ქალაქური ხინკალი გზას ფურშეტებზეც წარმატებით იკვლევს

                ქალაქური ხინკალი გზას ფურშეტებზეც იკვლევს

ხინკალი თანდათან მკვიდრდება ფურშეტებზეც. პოპულარული გახდა
ფურშეტის უნიკალური საავტორო ფორმატი - ხინკლის ფურშეტი . ამიტომ, ჩვენს მკითხველს შევახსენებთ ხინკლის ტრადიციულ და ნაკლებად ცნობილ რეცეპტებს.
რეცეპტები მომზადებულია https://fmgroup.ge/  მზარეულების კონსულტაციით

ინგრედიენტები ცომისთვის:

•      ფქვილი – 300 გ (სასურველია უმაღლესი ხარისხის)

•     წყალი – 120 მლ

•     მარილი – 5 გ

ინგრედიენტები გულსართისთვის:

•     საქონლის ხორცი – 90 გ

•     ღორის ხორცი – 90 გ

•     ხახვი – 30 გ

•      დაღერღილი წიწაკა, პილპილი, კვლიავი

•     მარილი გემოვნებით

მომზადების წესი:   დაასხით ფქვილს ცივი წყალი დააყარეთ მარილი და მოზილეთ რაც შეიძლება მაგარი ცომი. გამოშრობისგან დასაცავად შეფუთეთ და გააჩერეთ. 1 საათის შემდეგ ხელახლა გადაზილეთ, ისევ შეფუთეთ და ისევ გააჩერეთ. აღნიშნული პროცედურა გაიმეორეთ 2-3-ჯერ (მეტჯერ გამეორება უმჯობესია). იმისათვის, რომ მოესწროს ცომის რამდენჯერმე გადაზელვა უმჯობესია ცომი წინა საღამოს მომზადდეს ან დილას ადრე სასურველია, ასეთი პროცედურებით მომზადებული ცომი ელასტიკური და პრიალაა.

შემდეგი ეტაპი: გამზადებული ცომი გადმოიღეთ დაფაზე და გააბრტყელეთ 1 სმ სისქის ფირფიტად. შემდეგ ამოჭერით მრგვალ ფორმებად ამოჭერით და სათითაოდ გააბრტყელეთ. სასურველია, პატარა ფირფიტები სასურველია იყოს  1-2 მმ სისქის . ფირფიტაზე სათითაოდ დადეთ გულსართი, მოახვიეთ ქისისებურად და თავი მოუკარით.

გულსართის მომზადება: გულსართი მოამზადეთ წინასწარ (ცომის მოზელვამდე). ამისათვის საქონლისა და ღორის ხორცი ხახვთან ერთად გაატარეთ ხორცსაკეპ მანქანაში (მსხვილ ბადეში)  . დაამატეთ  მარილი, პილპილი,კვლიავი, დაღერღილი წიწაკა და წყალი. ფარშის კარგად გასაფუებლად დავასხათ წყალი.

დამატებითი რჩევები: სასურველია, ხინკალი  მოიხარშოს მარილწყალში.დიდი ზომის ფართო ქვაბში ხინკლები ჩაყარეთ ისე, რომ იყოს კუჭებით ქვემოთ, რადგან ქვაბის ძირს არ მიეკრას. ფრთხილად ამოურიეთ ხის კოვზით, რათა ხინკლები ერთმანეთს არ შეეწებოს. 7-10 წუთის ხარშვის შემდეგ  ამოიღეთ ქაფქირით და ცხელ-ცხელი მიიტანეთ სუფრასთან.